Familia Enpresa 2025 zikloak 15 jardunaldi, tailer eta hitzaldiz osatutako programa izango du

Bilboko Merkataritza Ganberak, CEBEKek eta Euskal Herriko Unibertsitateko Familia Enpresaren Katedrak, Bizkaiko Foru Aldundiaren laguntzarekin, batera antolatutako 2025 jardunaldi-zikloak 15 jarduera izango ditu guztira. Egutegi hori joan den otsailaren 6an hasi zen, “Egungo ziurgabetasun ingurunean enpresa-proiektuak sortzea” izeneko lehen hitzaldiarekin, eta urtean zehar zabalduko da hiru erakunde laguntzaileen egoitzetan. “Familia-enpresaren etorkizuna ezagutuz” lelopean, funtsezko gaiak jorratuko dira, hala nola estrategia eta gobernua familia-enpresan, belaunaldi gazteenen integrazioa, familia-akziodunen eskubideak eta betebeharrak, bezero berriak erakartzea edo etorkizunari nola aurre egin.

Guztira, zortzi tailer eta jardunaldi egingo dira, eta zazpi hitzaldi, guztiak UPV/EHUren Bilboko Ekonomia eta Enpresa Fakultateko Gradu Aretoan. Jardunaldiak, bestalde, Bilboko Merkataritza Ganberaren eta CEBEKen egoitzetan egingo dira.

Cámarabilbao, CEBEK eta UPV/EHUko Familia Enpresen Katedra jakitun dira Familia Enpresek ekonomian eta gure gizartean duten garrantziaz, eta enpresa horiei laguntzeko beharraz, lehiakortasuna eta iraunkortasuna handitzen laguntzeko. Horregatik guztiagatik, funtsezkotzat jotzen dute Bizkaiko familia-enpresa guztiekin duten konpromiso irmoari eustea.

Familia-enpresaren etorkizuna ezagutuz

Guztira lau jarduera antolatzen ditu Cámarabilbaok ziklo honetan. Familia-enpresaren estrategia eta gobernua, familia-akziodunak, bezero berriak erakartzea eta familia-enpresaren etorkizuna dira ziklo honetan landuko diren gaiak.

Martxoaren 12an emango zaie hasiera jardunaldiei, “Familia-enpresaren Estrategiaren eta Gobernuaren oinarrizko alderdiak” izenburuko jardunaldiarekin. Saioa egunero aurre egin beharreko erronka ugarietan zentratuko da, dimentsio txiki eta ertaineko Enpresak, egunez egun lehiakortasunaren, dimentsioaren, berrikuntzaren, gobernu profesionalaren eta ondorengotzaren egungo erronkei erantzun behar dietenak. Familiaren eta Familia Enpresaren arteko konpromisoa garaiz lortzeko eta mantentzeko jardunbide egokiak partekatuko dira, eta enpresa horietan Gobernuaren dinamikak profesionalizatzen lagunduko duten tresna praktikoak landuko dira.

Ganbaran antolatutako bigarren jardunaldia maiatzaren 20an izango da. “Familia-akziodunak: haien eskubideak eta betebeharrak ulertzea, partekatzen duten proiektuaren mesedetan” izeneko jarduerak azalduko du nola ulertu behar dituzten enpresaburu-familia bateko kideek beren eskubideak eta betebeharrak, Kapital Sozietateen Legean ezarritakoaz harago. Jardunaldian zehar, ondarearen jarraipenaren eta bazkideen eskubide eta betebeharrei buruzko ikuspegi partekatuaren arteko zuzeneko harremana agerian uzten duten benetako adibideak aurkeztuko dira.

Urrian, hilaren 15ean, “Familia-enpresan bezero berriak lortzea: edonoren eskura dauden marketin digitaleko estrategiak” izeneko saioa egingo dugu. Saio honetan, familia-enpresentzat garrantzi handiena duten marketin digitaleko joerak aztertuko dira, eta, autoebaluazio baten bidez, gomendioak — oinarrizkoak zein aurreratuak — jarriko dira mahai gainean, beren merkatu objektiboetara modu eraginkorragoan, efizienteagoan eta berritzaileagoan iristeko identifikatutako erronkei eta aukerei heltzeko.

Azken jardunaldia, “Familia-enpresaren etorkizuna: saldu, bat egin edo bazkide bat bilatu?“, Bilboko Merkataritza Ganberan izango da abenduaren 16an. Jardunaldi honetan, funtsezko gai horiei helduko diegu, familia-enpresei merkatuan beren balioa indartzeko eta familia-mailan ezarritako helburuak betetzeko aukera emango dien estrategia bat definitzen eta gauzatzen laguntzeko.

Egutegia

• Otsailak 6 – Egungo ziurgabetasun ingurunean enpresa-proiektuak sortzea
• Otsailak 26 – Nola sustatu ekintzailetza espiritua familia-enpresetan
• Martxoak 4 – Enpresa eta familia, elkarrekin bizi diren bi errealitate arau desberdinekin
• Martxoak 12 – Familia-enpresaren Estrategiaren eta Gobernuaren oinarrizko alderdiak
• Martxoak 18 – Familia-enpresetako oinordetza prozesua ikuspegi estrategiko eta fiskaletik
• Apirilak 9 – Belaunaldi gazteen integrazioa familia-enpresan
• Apirilak 10 – Familia-enpresan Gobernu Korporatiboa. Administratzaileen eskubideak eta betebeharrak
• Apirilak 29 – Familia-enpresan belaunaldiak konektatzea. Gatazkak gainditu eta talentua sustatu
• Maiatzak 8 – Nola balora dezaket nire enpresa? Abantailak eta desabantailak
• Maiatzak 20 – Familia-akziodunak: haien eskubideak eta betebeharrak ulertzea, partekatzen duten proiektuaren mesedetan
• Ekainak 10 – Nola egin erabilgarri Gobernu Organoak enpresa familiarretan
• Irailak 10 – Berrikuntza eta Eraldaketa Digitala familia-enpresan
• Urriak 15 – Familia-enpresan bezero berriak lortzea: edonoren eskura dauden marketin digitaleko estrategiak
• Azaroak 6 – Pertsona fisikoen eta familia-enpresen itxiera fiskala planifikatuz
• Abenduak 16 – Familia-enpresaren etorkizuna: saldu, bat egin edo bazkide bat bilatu?