Cámarabilbaon izan da Eusko Jaurlaritzaren Hazinnova programaren zortzigarren onespen jardunaldia

Bilbo eta Bilboaldeko 38 ETEk jaso dute akreditazioa SPRI Taldeak eta Innobasquek kudeatutako Hazinnova programan parte hartzeagatik. Akreditazio honek enpresek euren jardueretako arlo desberdinetan berrikuntza ezartzearen balioa aitortzen du. Hazinnova programaren lehen edizioan guztira 395 berrikuntza-proiektu aurrera eraman dira: 164 Bizkaian, 155 Gipuzkoan eta 76 Araban.

Bilboko Merkataritza Ganberan antolatu da azkenaurreko jardunaldia. Topaketen helburua da 342 ETE euskaldunei enpresa berritzaile gisa Eusko Jaurlaritzako Garapen Ekonomiko, Jasangarritasun eta Ingurumen Sailaren akreditazioa ematea. Enpresa txiki eta ertainek berrikuntzaren alde egin duten lana funtsezkoa izan da Euskadi lehen aldiz berrikuntza-indizean Europar Batasuneko batez bestekoaren gainetik egon dadin (103,6 EBko 100 aldean), Eskualdeko Berrikuntzaren Taula 2021 delakoaren arabera. Lurralde gisa lortu den berrikuntza maila alturaren aitortza hau Euskal enpresek egiten duten lan handiaren ondorio da, Hazinnovako programan parte-hartu duten ETEak bezala, besteak beste.

Bilboko eta Bilboaldeko 38 ETEk jaso dute akreditazioa

Ekitaldian egon dira Guillermo Miró, Bilboko Merkataritza Ganberako zuzendariaren ondokoa; Alberto Fernandez, Eusko Jaurlaritzako Teknologia eta Berrikuntza zuzendaria, eta Leire Bilbao, Innobasque-Berrikuntzaren Euskal Agentziako zuzendari nagusia. Jardunaldian, Eusko Jaurlaritzaren Hazinnova zerbitzuaren, SPRIren eta Innobasqueren ordezkariez gain, proiektu hauek abian jartzeko aholkularitza eman duten tokiko eragileak ere bertan egon dira ETEekin batera: Bilboko Merkataritza Ganbera, Aclima, ASLE, Elikaduraren Klusterra, Energiaren Klusterra, Eraikune, Konfekoop, FVEM, GAIA, Uniport, Urkobe, Amorebieta-Etxano eta Innobasque.

Akreditazioa jaso duten enpresak hauek izan dira:

• Sunrise Medical S.L.
• Bioservice PequeñaS.Coop.
• Frutas Iru S.A.
• TECNICAS DE CALENTAMIENTO (COMERCIAL TECASA)
• Aamadarchi Pequeña P S.COOP.
• ALL MULTIDISCIPLINARY BRAND SL
• APPSAMBLEA ONLINE VOTING S.L.
• Asthon Cargo Bilbao S.L.
• Biladu S.A.
• Bizintek Innova S.L.
• Bombas Trief S.L.
• Consignaciones Toro y Betolaza S.A.
• DIGITAL5 SL
• INFORMATICA SERINFOR BILBAO 2002 SL
• Ingeniería en Integración de Sistemas Informáticos S.A.
• Kategora Investments, SL
• KURAGO SOFTWARE, S.L.
• Mathematics for Life SL
• Sinplastico S. Coop. Pequeña
• Sistemas y Tratamientos Automáticos S.L.
• TRANSPORTES TORO Y BETOLAZA, S.L.
• UBIKARE ZAINKETAK SL
• Estudios e Ingenieria Aplicada XXl S.A.
• Goplast Comercial S.L.
• Miba S.Coop.
• Metalúrgica de Bengoetxe S.A.
• Metalúrgica de Bolueta S.A.
• Rayter S.A.
• TRANSPORTES GENADIO FERNANDEZ S.L.
• El Transbordador de Vizcaya S.L.
• Oliver Design S.L.
• QUILTON S.A.
• INTERNATIONAL EMERGENCY SERVICES S.L.
• Kepler Entreplantas Desmontables S.L.
• Sui Broker Correduría de Seguros S.L.
• Adimen Investigación S.L.
• G.K. ISUSKITZA S.L.
• Talleres Industriales Rofer S.A.

Hazinnova bigarren edizioan izena emateko aukera zabalik

Hazinnova programak 2,4 milioi euroko aurrekontua du. Berrikuntza ez-teknologikoan espezializatutako aholkularitza eskaintzen du, negozio-prozesuetan, produktuetan edo alor berritzaileetan berrikuntza dakarten mikroproiektuak dituzten ETEentzat: fabrikazioa, logistika, merkaturatzea eta administrazioa eta finantzak. Hazinnovaren bigarren edizioan parte-hartzeko deialdia zabalik egongo da abenduaren 2ra arte.

Hazinnova berrikuntzan hasten ari diren enpresei zuzenduta dago; proiektu puntualetan (50 orduko aholkularitza), denbora mugatuan zehar (3 hilabete) eta bere jarduera-eremuan eragin handia duten proiektuetan dihardu. Finantzazia %100ekoa da, aldez aurretik dagokion lizitazio publikoa lortu duten aholkularitza enpresen artean egindako hautatutako aholkulariari ordainduz.

Hazinnova doako aholkularitza eta bidelaguntza zerbitzua da, enpesa bakoitzari lana antolatzeko edota produktu eta zerbitzuak merkaturatzeko modu berriak ezartzera bideratuta. Hazinnovari esker aholkua ematen zaie helburu hauek dituzten berrikuntza-mikroproiektuei:

• Enpresaren kudeaketa ekonomiko-finantzarioa eta estrategikoa hobetzea eta errentagarritasuna kontrolatzea.
• Ekoizpen-prozesuak hobetzea eta enpresaren produktibitatea, kalitatea, jasangarritasuna edo segurtasuna handitzea.
• Pertsonen kudeaketa hobetzea eta haien konpromisoa eta motibazioa areagotzea.
• Bezeroen ezagutza, arreta edo leialtasuna hobetzea eta merkatu-kuota handitzea.
• Hornikuntza edo banaketa-katea hobetzea eta bezeroei zerbitzua emateko edo hobetzeko gastuak eta epeak murriztea.
• Administrazio-prozesuak berriz diseinatzea eta enpresaren eraginkortasuna hobetzea.
• Produktu/zerbitzuak (berriak edo lehendik daudenak) merkatu berrietara egokitzea (nazionalak, nazioartekoak edo sektore berriak), edo enpresaren marketina egokitzea eta merkatu geografiko edo bezero-segmentu berrietara iristea.
• Produktuei dagozkien irtenbideak identifikatu eta ezartzea, negozio-bolumena handitzeko.