Familia-enpresak Euskal enpresa-egituraren oinarri funtsezko bat dira, bereziki enpresa txiki eta ertainen artean. Hala ere, ingurune ekonomiko dinamiko eta lehiakor batean, haien balioa optimizatzea eta eragiketa korporatibo baterako prestatzea (salmenta, fusioa edo hirugarrenen inbertsioa) funtsezko erronka estrategiko bihurtzen da. Erronka horiek konpontzeko, enpresaren eta familiako kideen interesak kontuan hartu behar dira.
Zer faktorek eragiten dute enpresa baten balioan? Nola prestatu inbertitzaileak edo erosleak erakartzeko? Zein dira M&A (Mergers & Acquisitions) prozesu bat hasi aurretik beharrezko urratsak? Zein da sortzailearen eta familiaren gainerako kideen rola? Jardunaldi honetan galdera horiei erantzungo diegu, familia-enpresei laguntzeko merkatuan haien balioa sendotzeko eta, aldi berean, familia-mailan ezarritako helburuak betetzeko estrategia bat definitu eta gauzatzeko.
Programa
- Familia-enpresaren diagnostikoa eta balorazioa: eragin handiena duten faktore nagusiak.
- Enpresaren erakargarritasuna handitzeko estrategiak M&A prozesu bat baino lehen.
- Eragiketa korporatiborako prestaketa: barne-antolaketa, gobernu korporatiboa eta due diligence.
- Estrategia alternatiboak: salmenta osoa, partziala edo bazkide bilaketa.
- Ondorioak eta eztabaida.
Helburua
Saio honen helburua parte-hartzaileei argi eta garbi azaltzea da enpresaren balioa maximizatzeko ezinbesteko urratsak, haien aurrean dagoen proiektu mota identifikatzea eta salerosketa edo fusio prozesuetan eraginkorrenak diren estrategiak ezagutzea, erabakia hartu aurretik zer faktore kontuan hartu behar diren argitzeko.
Nori zuzendua
Familia-Enpresa edo Enpresa Multifamiliarren sortzaileei, baita Familia Enpresariako kide diren eta Gobernu eta Kudeaketa Organoetako kide diren edo izango diren pertsonei ere.
Ponente
Alejandro Beitia Egusquiaguirre (LinkedIn)
Ranga Corporate-ko bazkidea
Gabriel Eguren Ruiz de Velasco (LinkedIn)
Ranga Corporate-ko zuzendaria
